काठमाडौं । प्रधानमन्त्री पुष्पकमल दाहाल प्रचण्ड संखुवासभा बाढीको प्रकोपबारे प्रमुख जिल्ला अधिकारीमार्फत जानकारी लिएका छन ।
आज संखुवासभा पुगेका प्रधानमन्त्री प्रचण्डले सरकारको तर्फबाट उद्दार, राहत र अवरुद्ध यातायात सेवा संचालन तथा जनताको आवास व्यवस्थापनमा कुनै कमि हुन नदिने बताए ।
सरकारको तर्फबाट उद्दार र राहतको काममा अहोरात्र खटिरहेका सुरक्षाकर्मी, कर्मचारी र स्वयंसेवक र स्वयंसेवी संघ संस्थाहरुलाई धन्यवाद व्यक्त गरेका छन् ।
संखुवासभामा सबैभन्दा बढी क्षति सुपर हेवाखोला जलविद्युत आयोजनामा भएको रहेछ ।
उक्त आयोजनामा १७ जना मजदुर अझै वेपत्ता अवस्थामा छन।
एउटा उत्पादन भएको र ७ निर्मानाधिन जलविद्युत आयोजना क्षतिग्रस्त भएका छन।
संखुवासभामा मात्र ३ मोटरेवल पुल र ५ झोलुङ्गे पुल क्षतिग्रस्त अवस्थामा छन।
