नेपाल पत्रकार महासंघ भोजपुर शाखाका उपाध्यक्ष सन्देश राईको निधन भएको छ।
दम, सुगर तथा उच्च रक्तचापबाट पीडित भई धरानस्थित बीपी कोइराला स्वास्थ्य विज्ञान प्रतिष्ठानको आईसीयुमा उपचारत ३२ वर्षीय राईको उपचारकै क्रममा कात्तिक ३ गते बिहीबार निधन भएको हो ।
नेपाल पत्रकार महासंघले राईको निधनप्रति स्तब्ध र दुःखी भएको जनाएको छ।
भोजपुरमा रही सक्रिय पत्रकारिता गरिरहेका पत्रकार राई रेडियो भोजपुरमा स्टेसन म्यानेजरको रूपमा कार्यरत हुनुका साथै धरानबाट प्रकाशित ब्लाष्ट दैनिकमा समेत कार्यरत थिए।
महासंघले उनको निधनले नेपाली पत्रकारिता क्षेत्रले एक जुझारु र उर्जाशील युवा पत्रकार गुमाउनुका साथै सक्रिय सदस्य गुमाएको जनाएको छ।
महासंघका महासचिव रोसन पुरीले शुक्रबार शोक विज्ञप्ति प्रकाशित गरी दिवंगत राईप्रति श्रद्धाञ्जली अर्पण गरेका छन्।
