काठमाडौं ।चैत्र १३।निर्देशकको छाता संस्था नेपाल चलचित्र निर्देशक समाजको अध्यक्षमा निर्देशक जनकद्वीप पराजुली चयन भएका छन् । अध्यक्षको अर्की उम्मेदवार सुचित्रा श्रेष्ठले आफ्नो उम्मेदवारी फिर्ता लिएपछि पराजुली अध्यक्षमा निर्विरोध चयन भएका हुन् । बाँकी अरू पदमा पनि निर्विरोध चयन भएका छन् ।
समाजको शनिबार सम्पन्न १५औं वार्षिक साधारण सभाबाट उपाध्यक्षमा सुभासप्रसाद गजुरेल र दीपशिखा खड्का चयन भएका छन् । यसैगरी, महासचिवमा अरुणकुमार प्रधान, सचिवमा देबेन्द्र पाण्डे, कोषाध्यक्षमा समुन्द्र भट्ट र सहकोषाध्यक्षमा राज बस्न्यात चयन भएका छन् ।
यसैगरी, निर्देशक समाजको कार्यसमिति सदस्यमा उत्सव केसी, सौरभ चौधरी, सत्यराज चौलागाई, दीपक ओली, अमृतमान महर्जन, अमरबहादुर ओली चयन भएका छन् । मुख्य सहायक निर्देशक भने चुनावी प्रक्रियाबाट चयन हुने भएका छन् ।
