नयाँ वर्षका दिन गडस्पिनमा टेबलटेनिस

गडस्पिन टेबल एकेडेमीले नयाँ वर्षको उपलक्ष्यमा शनिबार मैत्रीपूर्ण खुला टेबलटेनिस प्रतियोगिता आयोजना ग¥यो । प्रतियोगितामा ४ सिंगल्स स्पर्धामा प्रतिस्पर्धा भएको थियो ।
मिक्स यु–१६ मा रिभान वज्राचार्य पहिलो, निर्भाना वज्राचार्य दोश्रो तथा नेहा श्रेष्ठ र इसान्भी महर्जन तेश्रो भए । पुरुष ४० वर्षमाथि भेट्रानमा निम जोशीले स्वर्ण, जेविन्द्र वज्राचार्यले रजत तथा सुरज वज्राचार्य र राजेन्द्र श्रेष्ठले कांस्य जिते ।
ललितपुरको गाहबालस्थित आयोजककै हलमा भएको प्रतियोगिताको पुरुष ५० वर्षमाथि भेट्रानमा नदिमरत्न शाक्य प्रथम, रोशन शाक्य द्वितीय तथा सागर अमात्य र प्रकाश धाख्वा तृतीय भए । पुरुष खुलामा सुमन शाक्य पहिलो, रजेन्द्र श्रेष्ठ दोश्रो तथा चन्दन चौधरी र निकेनमान प्रधान तेश्रो बने ।
विजेतालाई टेबलटेनिसका मुख्य प्रशिक्षक राजेन्द्र कपाली र आयोजक गडस्पिनका अध्यक्ष रोशनकुमार शाक्यले एक कार्यक्रमबीच पुरस्कृत गरे । एकदिने प्रतियोगितामा ८५ खेलाडी सहभागी थिए ।