काठमाडौं । अशोज ६, नयाँ नेतृत्व चयनका लागि आज ९शनिबार० नेपाल क्रिकेट संघ ९क्यान० को चुनाव हुँदैछ। शुक्रबार साधारण सभाको उद्घाटन र बन्द सत्र सक्याएको क्यानमा आज निर्वाचन हुन लागेको हो।
नयाँ नेतृत्वमा पनि क्यानका हालका अध्यक्ष चतुरबहादुर चन्द नै दोहोरिने सम्भावना देखिएको छ। हुन त उनले सर्वसम्मत रुपमा नै फेरि अध्यक्ष बन्ने तयारी गरेका थिए।
तर अन्तिम समयमा बर्दिया जिल्ला क्रिकेट संघका अध्यक्ष विनयराज भण्डारीले अध्यक्ष पदका लागि उम्मेदवारी दिने घोषणा गरेका छन्।
जिल्ला र प्रदेशको चुनावपछि पूर्व कप्तान पारस खड्का सहितलाई लिएर चन्द प्यानलै बनाएर चुनावी मैदानमा उत्रदैछन्। उनकै प्यानलबाट पारस भने सचिवमा उठ्ने तयारीमा रहेको बताइएको छ।
