काठमाडौं । आज शनिबारदेखि देशका धेरै स्थानबाट मनसुन बाहिरीएको छ ।
जल तथा मौस विज्ञान महाशाखाका अनुसार शनिबार नेपालको गण्डकी र लुम्बिनी प्रदेशका सम्पूर्ण भू–भागबाट मनसुन बाहिरिएको हो । बागमती र मधेश प्रदेशका अधिकांश भू–भागबाट पनि आजै मनसुन बाहिरीएको हो ।
यस अघि सुदूरपश्चिम र कर्णाली साथै लुम्बिनी र गण्डकी प्रदेशको अधिकांश भूभागबाट समेत मनसुन बाहिरी सकेको छ।
यद्यपी कोशी प्रेदेशका केही स्थानमा भने मनसुन बाहिरिन केही दिन लाग्ने महाशाखाले जनाएको छ ।
पश्चिमी वायुको प्रभावका कारण देशका विभिन्न भागमा आइतबारदेखि बुधारबारसम्म हल्कादेखी मध्यम पानी पर्ने सम्भावना भने कायम रहेको मौसमविद विनोद पोखरेलले जनाएका छन । त्यसपछि भने माैसम सफा रहने पाेखरेलले जनाए ।
