काठमाडाैं । ठमेलमा एक युवतीको हत्या भएको छ ।
काठमाडौं महानगरपालिका-२६ ठमेल भगवतीबहाल डेरा गरी बस्ने चितवनको राप्ती नगरपालिका-७ की २६ वर्षीया जेनिशा तामाङको हत्या भएको प्रहरीले जनाएको छ ।
हत्या आरोपमा प्रहरीले सोही ठाउँ डेरा गरी बस्ने काभ्रेको धुलिखेल नगरपालिका-१० का ३० वर्षीय अमर रञ्जितकारलाई पक्राउ गरेको छ ।
प्रहरीका अनुसार उनीहरूबीच आपसी विवादमा झगडा एवं कुटपिट भएको थियो ।
कुटपिटबाट गम्भीर घाइते भएकी जेनिशाको शिक्षण अस्पताल महाराजगञ्जमा उपचारको क्रममा मृत्यु भएको थियो ।
