काठमाडाैंकाे शंखरापुरमा भालुले आक्रमणबाट एक पुरुष घाइते भएका छन्। महानगरीय प्रहरी परिसर काठमाडौंका प्रवक्ता एसपी दिनेश मैनालीका अनुसार शंखरापुर नगरपालिका वडा नम्बर ८ घुमारिचोकका विमान थिङलाइ भालुले टोकेर घाइते भएका हुन्।
विमानलाई शनिबार बिहान अन्दाजी ९ बजेतिर भालुले आक्रमण गरेको उनले बताए। भालुले टोकेर घाइते भएका ५२ वर्षीय विमानको नेपाल मेडिकल कलेज, जोरपाटीमा उपचार भइरहेको छ।
उनको टाउको र बायाँ हातको पाखुरामा चोट लागेको एसपी मैनालीले बताए। उनकाे अवस्था गम्भिर रहेकाे जनाइएकाे छ ।
