काठमाडाैं । २०७९ सालको एसइइ परिक्षा आज चैत १७ गते बिहान ८ बजेदेखि शुरु हुदै छ । परिक्षमा २ लाख ४२ हजार ७१२ छात्रा र २ लाख ४२ हजार ६७४ छात्रको संख्या परिक्षामा सहभागि हुदै छन ।
परीक्षा नियन्त्रण कार्यालय (कक्षा १०) को तथ्यांक अनुसार ४ लाख ८५ हजार ३९६ जम्मा विद्यार्थी मध्ये छात्रा २ लाख ४२ हजार ७१२ छात्रा र २ लाख ४२ हजार ६७४ छात्र रहेको छन ।
बिहान ८ बजेदेखि २ हजार ३७ परीक्षा केन्द्रबाट एकै समयमा परीक्षा सुरु हुनेछ ।कार्यालयका अनुसार कुल परीक्षार्थीमध्ये प्राविधिक धारसमेत सञ्चालन भएका ५०५ विद्यालयका १५ हजार ४६१ जना सहभागी हुनेछन् ।
परीक्षामा केन्द्राध्यक्ष, सहायक केन्द्राध्यक्ष, निरीक्षक, सहायक/सहयोगी कर्मचारी र सुरक्षाकर्मीसमेत गरी जम्मा ७७ हजार ९९२ जना जनशक्ति प्रत्यक्ष रुपमा परीक्षा केन्द्रहरुमा खटिनेछन् ।
परीक्षालाई व्यवस्थित, मर्यादित, निष्पक्ष, भयरहित र शान्तिपूर्ण वातावरणमा सञ्चालन गर्न सबै प्रदेशका प्रदेश परीक्षा सञ्चालन तथा व्यवस्थापन समितिको समन्वयमा ७७ वटै जिल्ला परीक्षा समन्वय समितिहरुबाट परीक्षामा खटिने केन्द्राध्यक्ष लगायत जनशक्तिलाई अभिमुखीकरण गरिएको परीक्षा नियन्त्रक विष्णुनारायण श्रेष्ठले जानकारी दिए ।
नियन्त्रक श्रेष्ठले सबै परीक्षार्थीलाई विना डरत्रास उच्च मनोबल र निर्भयका साथ परीक्षामा सहभागी हुन अपील गरेका छन् ।
