असार १४, काठमाडौं । शनिबार साँझदेखि असार १६ सोमबार बिहानसम्म कर्णाली प्रदेशको पहाडी भू–भाग, सुदुरपश्चिम प्रदेश र लुम्बिनी प्रदेशका पहाडी र तराईका भू–भागका थोरै स्थानहरुमा भारी देखि भारी वर्षाको सम्भावना रहेको जनाइएको छ ।
जल तथा मौसम पुर्वानुमान महाशाखाले शुक्रबार विशेष बुलेटिन प्रकाशन गरी आगामी मौसम बारे जानकारी गराएको हो ।
विभागले देशका अन्य क्षेत्रमा समेत वर्षाको सम्भावना रहेको भन्दै पहाडी भू–भागका एक–दुई स्थानमा समेत भारी देखि अति भारी वर्षाको सम्भावना रहेको जनाएको छ ।
वर्षाको कारणले हुनसक्ने सम्भावित भू–क्षय, बाढी, पहिरो तथा गेग्रान बहाव को जोखिम रहेकोले शहरी तथा तराई क्षेत्रहरूमा डुबानको जोखिम रहेको, ठूला तथा साना नदी नाला र
खोलाहरूमा पानीको सतह बढ्न सक्ने, दैनिक जन–जीवन, कृषि, स्वास्थ्य, पर्यटन, नदी क्षेत्र आसपासका निर्माण कार्य, सडक तथा हवाई यातायात समेत प्रभावित हुन सक्ने भएकोले आवश्यक सतर्कता अपनाउन आग्रह गरेको छ ।
