काठमाडौँ । काठमाडौँमा मध्यरात आएको भूकम्पको धक्काको केन्द्रबिन्दु मकवानपुर चित्लाङ क्षेत्र देखिएको छ। भूकम्प मापन केन्द्रका अनुसार भूकम्पको धक्का ४.५ म्याग्निच्यूड देखिएको छ।
राति १ बजेर १९ मिनेटमा भूकम्प गएको मापन केन्द्रमा देखिएको छ। काठमाडौँसँगै धादिङ, सिन्धुपाल्चोकका केही क्षेत्र हल्लिएको छ। यो नयाँ नभई २०७२ को गोरखा केन्द्रबिन्दु भएर गएको भूकम्पको पराकम्पन भएको केन्द्रका जानकारले बताएका छन्।
