काठमाडौं । प्रदर्शनकारीहरुले कोटेश्वरको भाटभटेनी सुपरस्टोरमा लुटपाट र तोडफोड गरेका छन् ।
राजावादी समूहको प्रदर्शन बिथोलिएपछि तितरवितर भएको समूह सुरक्षागार्डलाई हातपात गर्दै भाटभटेनी सुपरस्टोर भित्र प्रवेश गरेका थियो । उनिहरूले त्यहा लुटपाट गर्दै सामान बाहिर निकालेर आगजनी समेत गरेका थिए ।
सुरक्षा माग गर्दै प्रहरीलाई बोलाउँदा पनि नआएको त्यहा रहेका कर्मचारीले बताए ।
सो समूहले भाटभटेनी सुपरस्टोरको भवनका सिसा फुटाउनुका साथै तरकारीहरू जथाभावी फालिदिएका छन् ।
सो समूहले तीनकुने नजिकै पर्ने आलोकनगरस्थित एकीकृत समाजवादीको कार्यालयमा आगजनीसमेत गरेका थिए ।
