मंसिर २, भक्तपुर । शनिबार नेपाल रेडक्रस सोसाइटी बालकोट उपशाखाले बालकोट बृहस्पतिचोकस्थित बगलामुखी मन्दिर परिसरमा रक्तदान आयोजना गरेको छ ।
कार्यक्रम बारे जानकारी दिदै शाखाका निवर्तमान सभापति चन्द्रकृष्ण श्रेष्ठले चाडबाडका बेलामा रक्तदाता कम हुनेहुँदा सम्भावित रगतको कमीलाई मध्यनगर गर्दै रक्तदान आयोजना गरिएको बताउनुभयो ।
उहाँले हिजो साँझ भक्तपुर जिल्ला शाखाबाट रगतको कमि भएको खबर पाएलगत्तै रक्तदान कार्यक्रम आयोजना गरिएको समेत जानकारी दिनुभयो ।
सहभागी सबैलाई धन्यबाद दिदै बालकोट उपशाखा सभापति दिवाकर सिलवालले आकस्मिक रक्तदान कार्यक्रममा २४ जना दाताहरुले रक्तदान गरेको बताउभुनयो । रक्तदाताहरुलाई प्रमाणपत्र सहित सम्मान गरिएको थियो ।
शाखाले विरामीहरुका लागि रगतको कमि हुननदिन भक्तपुरका विभिन्न स्थानमा आकस्मिक तथा घुम्ती रक्तदानका कार्यक्रम आयोजना गर्दै आएको छ ।
