इलाम र बझाङमा हुन लागेको उपनिर्वाचनमा आज मतदान हुँदै छ ।
इलाम–२ मा प्रतिनिधिसभा सदस्य र बझाङ निर्वाचन क्षेत्र १ (क) मा प्रदेशसभा सदस्यका लागि उपनिर्वाचन हुन लागेको हो ।
निर्वाचन आयोगले निर्धक्क भएर मतदानमा भाग लिन मतादातालाई आह्वान गरेको छ । निर्वाचन कार्यक्रमअनुसार मतदान बिहान ७ बजेदेखि साँझ ५ बजेसम्म हुनेछ ।
इलाम–२ बाट निर्वाचित प्रतिनिधिसभा सदस्य एमालेका नेता सुवासचन्द्र नेम्वाङको गत २६ भदौमा हृदयाघातका कारण निधन भएपछि उपनिर्वाचन हुन लागेको हो । यस्तै, बझाङ–१ का प्रदेशसभा सदस्य कांग्रेसsf पृथ्वीबहादुर सिंहको गत २५ असारमा सडक दुर्घटनामा निधन भएपछि रिक्त स्थानमा आज चुनाव हुन लागेको हो ।
आयोगबाट जारी भएको मतदाता परिचयपत्र, नेपाली नागरिकताको प्रमाणपत्र, राष्ट्रिय परिचयपत्र, राहदानी, स्थायी लेखा नम्बर परिचयपत्र, सवारी चालक अनुमतिपत्रमध्ये कुनै एकको सक्कल प्रमाणका आधारमा मतदान गर्न पाउने व्यवस्था मिलाइएको आयोगले जनाएको छ ।
