पुस २७, काठमाडौं । आज चन्द्रागिरि नगरपालिका नैकापमा पुराना तस्विरको विशेष प्रर्दशनी आयोजना गरिएको छ ।
नैकापस्थित कमला कार्की स्मृति प्रतिष्ठानको नवौं स्मृति दिवस तथा सम्मान कार्यक्रमको अवसरमा सो प्रदर्शनी आयोजना हुन लागेको हो । चन्द्रागिरि नगर क्षेत्रमा खिचिएका ६ दशक पुराना तस्बिर तथा करिब १ सय ६० वर्षअघि कोरिएका चित्रहरू प्रदर्शनी हुने कमला कार्की स्मृति प्रतिष्ठानका अध्यक्ष मोहन कुमार कार्कीले जानकारी दिनुभयो ।
नेपाल फोटो फाउण्डेशन तथा फोटो म्युजियम नेपाल लगायतका संघसंस्थाहरूसँगको सहकार्यमा फोटो प्रदर्शनी हुन लागेको हो । नेपाल फोटो फाउण्डेशनका जीवन नेपालका अनुसार प्रदर्शनीमा १७० भन्दा बढी तस्बिर तथा चित्रकला समावेश हुनेछन् ।
कमला कार्की स्मृति प्रतिष्ठानले विगत ९ वर्षदेखी चन्द्रागिरि नगरमा राष्ट्रिय ख्याति कमाएका ६ जना महिला तथा महिलासँग सम्बन्धित रहेर काम गर्ने संस्थालाई नगदसहित सम्मान गर्दै आएको छ।
बिहान ११ बजेबाट सुरु हुने भनिएको सो कार्यक्रम नैकापस्थित ब्राइट फ्यूचर माध्यमिक विद्यालयमा हुनेछ