काठमाडाैं । सुनको भाउ सोमबार तोलामा १ हजार २०० रुपैयाँले सस्तिएको छ । नेपाल सुनचाँदी व्यवसायी महासंघका अनुसार सोमबार छापावाला सुनको भाउ प्रतितोला एक लाख ४९ हजार ३०० रुपैयाँ छ ।
आइतबार छापावाला सुनको भाउ प्रतितोला एक लाख ५० हजार ५०० रुपैयाँमा कारोबार भएको थियो । सुनको भाउ आइतबार पनि तोलामा ४०० रुपैयाँले घटेको थियो । दुई दिनमा सुन तोलामा १ हजार ६०० रुपैयाँले घटेको हो ।
महासंघका अनुसार सोमबार चाँदी प्रतितोला १ हजार ८१५ रुपैयाँमा कारोबार भइरहेको छ । जुन अघिल्लो दिनको तुलनामा २५ रुपैयाँ कम हो । आइतबार चाँदी प्रतितोला १ हजार ८४० रुपैयाँमा कारोबार भएको थियो ।
सोमबार अन्तर्राष्ट्रिय बजारमा सुन प्रतिऔंस २ हजार ६२८ दशमदव ३३ अमेरिकी डलर र चाँदी प्रतिऔंस ३० दशमलव १७ डलरमा कारोबार भइरहेको छ । अन्तर्राष्ट्रिय बजार भाउको आधारमा नेपालमा सार्वजनिक विदा बाहेक सुनचाँदीको मूल्य निर्धारण हुँदै आएको छ ।
