सिन्धुली, १४ पुस । सिन्धुलीको कमलामाई नगरपालिका वडा नम्बर ५ मा ट्याक्टरको ठक्करबाट बालिकाको मृत्यु भएको छ ।
बालिकाको उपचारका क्रममा सिन्धुली जिल्ला अस्पतालमा मृत्यु भएको जिल्ला प्रहरी कार्यालय सिन्धुलीले जनाएको छ ।
मधुटारस्थित वडा कार्यालय नजिकै बस्ने बलकुमार श्रेष्ठको ५ बर्षिया छोरी निर्जलालाई शनिबार दिउँसो ३ बजे ना ५ त ९५१० नम्बरको ट्याक्टरले ठक्कर दिएको थियाे ।
ठक्कर दिने ट्याकटर र सवारी चालकलाई प्रहरी नियन्त्रणमा लिएर घटनाको अनुसन्धान सुरु गरेको प्रहरीले जनाएको छ ।