– रुद्रबहादर खड्का
चैत २ , सिन्धुली । दुधौली नगर अस्पताल, सिर्थाैलीमा दुईदिनको बृहत निः शुल्क दन्त स्वास्थ्य शिविर सुरु भएको छ ।
सिन्धुली क्षेत्र नम्बर १ का प्रतिनिधिसभा सदस्य श्याम घिमिरेले जिल्लावासीको चाहाना अनुसार शिविर सञ्चालन गरिएको भन्दै आगामी दिनमा स्थानीय अस्पतालमै दन्त उपचार सेवा पहुँच विस्तार गर्न पहल गर्ने प्रतिवद्धता व्यक्त गरे ।
दुधौली नगरपालिका प्रमुख दिनेश अधिकारीले नगरवासीको स्वास्थ्यलाई मध्यनजर गर्दै नगरअस्पतालको स्तरउन्नती गर्दै स्वास्थ्य सेवालाई विपन्न वर्गको पहुँचमा पुर्याउन पहल गर्ने धारणा व्यक्त गरे ।
दुधौली नगरपालिकाको आयोजना र समाज डेन्टल सिन्धुलीको प्राविधिक सहयोगमा सञ्चालित दन्त शिविर चैत २ र ३ गतेसम्म चल्ने छ ।
