– रूद्रबहादुर खड्का
फागुन २८, सिन्धुली । कमलामाई नगरपालिका वडा नम्बर १२ का भूमिहीन सुकुम्बासीलाई आइतबार वडा कार्यालयले जग्गाधनीपुर्जा वितरण गरेको छ ।
नगरपालिकाले दोस्रो चरणअन्तर्गत वडा नम्बर १२ का ३ भूमिहीन दलित, १२ जना भूमिहीन सुकुम्बासी सहित १५ जनालाई जग्गाधनीपुर्जा वितरण गर्नुकासाथै १ सय ११ घरपरिवारलाई जग्गा नापजाँचको निस्सा वितरण समेत गरेको छ ।
कमलामाई नगरपालिकाका नगरप्रमुख उपेन्द्रकुमार पोखरेलको अध्यक्षता तथा जिल्ला समन्वय समिति सिन्धुलीका प्रमुख कारसाङ लामाको प्रमुख आतिथ्यतामा राष्ट्रिय भूमी आयोग जिल्ला समितिसिन्धुलीको संयोजनमा जग्गाधनीपुर्जा वितरण गरिएको हो ।
नगरपालिकाको दुर्गम मानिएको १२ नम्बर वडामा अब विकासका कार्यमा नया आयाम शुरुहुने तथा नगरकै दोस्रो जग्गाधनीदर्ता प्रमाणपत्र वितरण गर्न पाउदा खुशीलागेको बताउदै कमलामाइ नगरपालिकाले भुमिहिन दलित सुकुम्बासीलाई जग्गाधनीपुर्जा वितरण गर्नको लागि बिभिन्न काम गरिरहेको नगरप्रमुख उपेन्द्रकुमार पोखरेलले बताए ।
नगर क्षेत्रका अन्य वडाका भूमिहीन सुकुमवासी तथा अव्यवस्थित बसोबासलाई जति सक्दो चाँडो जग्गाको स्वामित्व प्रदानगरिने नगर प्रमुख पोख्रेलले प्रतिबद्धता ब्यक्त गरे ।
