काठमाडाैं । म्यानमारमा हालै गएको विनाशकारी भूकम्पका कारण भएको व्यापक धनजनको क्षतिपश्चात् नेपाल सरकारको निर्णयबमोजिम मेडिकल राहत लिएर नेपाली सेनाको टोली आज म्यानमार प्रस्थान गरेको छ ।
प्रमुख सेनानी रामचन्द्र श्रेष्ठको नेतृत्वमा १२ जना चिकित्सकीय टिम, ४ जना बन्दोबस्ती सहायता टिम र ६ जना चालकदलका सदस्य सहित कुल २२ सदस्यीय टोली नेपाली सेनाको सिएन २३५सिएएसए विमान लिएर म्यानमार प्ररस्थान गरेको हो ।
विभिन्न प्रकृतिका आवश्यक औषधि एवं उपमरण सहित गएको उक्त टोलीमा सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरु संलग्न छन् ।
उक्त टोलीले करिब एक साता म्यानमार भूकम्पमा परी घाइते भएकाहरूको स्वास्थ्य उपचारमा खटिई सेवा गर्ने सैनिक जनसम्पर्क तथा सूचना निर्देशनालयले जनाएको छ।
