काठमाडौं । प्रभु बैंकका प्रमुख कार्यकारी अधिकृत (सीईओ) अशोक शेरचन राष्ट्रपति रामचन्द्र पौडेलद्वारा सम्मानित भएका छन् । सातौं बागलुङ महोत्सवमा राष्ट्रपति पौडेलले सिइओ शेरचनलाई सम्मान गरेका हुन् ।
राष्ट्रपति पौडेलले सिइओ शेरचनलाई सम्मानपत्र प्रदान गरेका थिए । बैकिङ क्षेत्रबाट देशको आर्थिक विकासमा महत्वपूर्ण योगदान दिएको भन्दै सिइओ शेरचनलाई सम्मान गरिएको हो ।
बैंकिंग क्षेत्रमा २८ बर्षको अनुभव बटुलेका शेरचनलाई गृह जिल्लामा सम्मान गरिएको हो ।प्रभु बैंकलाई हालै मात्र प्रतिष्ठित अन्तर्राष्ट्रिय अवार्ड दिलाएका उनी सक्षम र सवल बैंकरको रुपमा स्थापित छन् । शेरचनको नेतृत्वमा रहेको प्रभु बैंकले‘बैंक अफ दि इयर २०२३’ को उपाधि प्राप्त गरेको थियो ।
