जेठ २९, काठमाडाैं । श्रम, रोजगार तथा सामाजिक सुरक्षा मन्त्रालयको आयोजनामा बागमती प्रदेशको ललितपुरमा श्रमाधान रोजगार मेला मंगलबारदेखि सुरु भएको छ ।
ललितपुरको पाटनमा सञ्चालन भएको मेलाको उद्घाटन गर्दै शिक्षा, विज्ञान तथा प्रविधि मन्त्री सुमना श्रेष्ठले श्रमाधान रोजगार मेलाले रोजगारीको अवसर मात्रै हैन करिअर काउन्सिलको काम पनि गर्ने बताइन् ।
कुनै रोजगारीका लागि कस्तो खालको शिक्षा तथा सिपको आवश्यकता पर्दछ भन्ने विषयमा पनि छलफल गरिने उनले बताइन् ।
बुधबारसम्म सञ्चालन हुने मेलामा ८० वटा नीजि तथा सरकारी क्षेत्रका स्टल रहेका छन् ।
नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, होटल एसोसियसन नेपाल, नेपाल तालिम तथा रोजगार व्यवसायी, नेपाल घरेलु तथा साना उद्योग महासंघको संयोजनामा यसअघि कोशी प्रदेशको विराटनगर, गण्डकी प्रदेशको पोखरा, लुम्बिनी प्रदेशको बुटवल, कर्णाली प्रदेशको सुर्खेत र सुदूरपश्चिम प्रदेशको धनगढीमा श्रमाधान मेला सञ्चालन भइसकेका छन् ।
