काठमाडौं । मंसिर १८, नेपाल एयरलाइन्सले अपाङ्गता भएका यात्रुहरूलाई टिकट शुल्कमा छुट दिने भएको छ। नेपाल वायु सेवा निगमले आन्तरिक हवाई उडानमा छुट दिने घोषणा गरेको हो ।
निगमले प्रत्येक आन्तरिक उडानमा दुई अपाङ्गता भएका यात्रुलाई हवाई शुल्कमा छुट दिने भएको हो ।आन्तरिक उडानकालागि सुरुमा टिकट काट्ने अपाङ्गता भएका २ जनाले मात्र ५० प्रतिशत छुट पाउने निगमले जनाएको छ ।
अपाङ्गता दिवसका अवसरमा निगमले आजदेखि लागू हुने गरी यस छुटको घोषणा गरेको हो । निगमका अनुसार रातो, निलो र पहेँलो वर्गको अपाङ्गता परिचय पत्र लिएका सुरूमा टिकट काट्ने दुई जना यात्रुले हवाई भाडामा ५० प्रतिशत छुट दिने निर्णय गरिएको छ । यस सुविधा लिनकालागि यात्रुहरूले सक्कल परिचय पत्रसहित निगमको कार्यालयमा सम्पर्क राख्नुपर्ने हुन्छ ।
