फागुन १८, काठमाडौं । हाल नेपालमा पश्चिमि वायुको प्रभाव रहेको छ । न्यून चापीय वायुकाकारण देशको पहाडी भेगमा हिमपातसहित वर्षाको सम्भावना रहेको छ ।
आगामी तीनदिनको मौसमि विवरण
२०८० फाल्गुन १८ गते (शुक्रबार)
दिउँसोः सुदूरपश्चिम प्रदेश र कर्णाली, गण्डकी प्रदेशका पहाडी भू–भागमा आंशिक देखि साधारणतया बदली रही बाँकी भागमा आंशिक बदली देखि मौसम मुख्यतया सफा रहने छ ।
गण्डकी प्रदेश, कर्णाली प्रदेश र सुदूर पश्चिम प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ ।
२०८० फाल्गुन १९ गते (शनिबार)
दिउँसोः सुदूरपश्चिम कर्णाली लुम्बिनी र गण्डकी प्रदेशमा साधारणतया बदली, बागमती प्रदेश तथा कोशी प्रदेशका पहाडी भागमा आंशिक देखि साधारणतया बदली र देशका बाँकी भागमा मौसम मुख्यतया सफा रहने छ ।
सुदूरपश्चिम प्रदेश र कर्णाली प्रदेश सहित गण्डकी प्रदेशका पहाडी भू–भागका केही स्थानहरूमा हल्का देखि मध्यम बर्षा, लुम्बिनी प्रदेश सहित गण्डकी प्रदेशका तराई भागका थोरै स्थानहरूमा र देशका बाँकी पहाडी भागका एक–दुई स्थानमा छिटफुट देखि हल्का बर्षाको सम्भावना रहेको छ ।
सुदूरपश्चिम प्रदेश, कर्णाली प्रदेश र गण्डकी प्रदेशको उच्च पहाडी तथा हिमाली भागका केही स्थानहरूमा हल्का देखि मध्यम हिमपातको तथा बाँकी उच्च पहाडी तथा हिमाली भागका एक–दुई स्थानमा हल्का हिमपातको सम्भावना रहेको छ।
२०८० फाल्गुन २० गते (आईतबार)
दिउँसोः देशभर साधारणतया बदली रहने छ । सुदूरपश्चिम, कर्णाली, लुम्बिनी, गण्डकी, बागमती प्रदेश सहित कोशी प्रदेशका पहाडी भागका केही स्थानहरूमा हल्का देखि मध्यम बर्षा र मधेश प्रदेशका थोरै स्थानहरूमा छिटफुट देखि हल्का बर्षाको सम्भावना रहेको छ ।
देशका उच्च पहाडी तथा हिमाली भागका धेरै स्थानहरूमा हल्का देखि मध्यम हिमपातको सम्भावना रहेको जल तथा मौसम विज्ञान विभागले जनाएको छ ।
