काठमाडौं । मंसिर १९, दुर्गा प्रसाईँका कार्यकर्ताहरुले बैङ्कबाट कर्जा नदिएको भन्दै नेपाल इन्भेस्टमेन्ट मेगा बैङ्कका एक कर्मचारीलाई बन्दी बनाएका छन् ।
प्रसाईँका कार्यकर्ताले नेपाल इन्भेस्टमेन्ट मेगा बैङ्कका बिर्तामोड शाखाका सेकेण्डम्यान दिनेश पनेरुलाई आज बिहान बैङ्कको कार्यकक्षबाटै लगेका हुन् ।
बैङ्कले कर्जा किन नदिएको भन्दै पनेरुलाई इलाका प्रहरी कार्यालय लगिएको बैंकस्रोतले जनाएको छ । उता दुर्गा प्रसाईँले भने आफूहरूले बैङ्कको कर्मचारीलाई अपहरण गरेको नभई सोधपुछको लागी प्रहरी कार्यालय उभ्याइएको बताए ।
पछिल्लो समय दुर्गा प्रसाईँलाई दिएका अधिकांश बैङ्कको कर्जा समस्यामा पर्न थालेका छन् । अहिले बैङ्कहरूको लागी प्रसाईँ टाउको दुखाई बन्न थालेको छ । प्रसाईँले बैङ्क तथा लघुवित्तबाट लिएका कर्जा तिर्नु नपर्ने भन्दै सडकमा मान्छे उतार्न थालेका छन् ।
