काठमाडौं । शुक्रबार थानकोटमा भएको भ्यान दुर्घटनामा दुईजनाको मृत्यु भएको छ ।
शुक्रबार मध्यान्ह थानकोट–चित्लाङ सडकअन्तर्गत सेतो पहरा नजिकबाट भ्यान खसेको थियो ।
प्रहरीका अनुसार बा १० च ३५४६ नम्बरको भ्यान दुर्घटना हुँदा भ्यानका चालक सिन्धुली घर भएका २० वर्षीय नवराज थोकर तामाङ र भ्यानमा सवार ४५ वर्षीय अनिल तामाङको मृत्यु भएको हो ।
उक्त भ्यानमा पाँच जना सवार रहेको बताइएको छ । घटनास्थलमा थानकोट वृत्तको प्रहरी टोली पुगि उद्दार गरिरहेको छ ।