- सिन्धुलीबाट बलराम अधिकारीकाे सहयाेगमा ।
सिन्धुली । उद्योग वाणिज्य संघ सिन्धुली र कमलामाइ नगरपालिकाको संयुक्त आयोजनामा छैटौँ सिन्धुली महोत्सव –२०७९ सिन्धुलीमाढीमा शुरु भएको छ ।
उद्योग, वाणिज्य तथा आपूर्ति मन्त्री दिलेन्द्रप्रसाद बडूले आज एक कार्यक्रमकावीच महोत्सवको उद्घाटन गर्नुुभयो ।
महोत्सवको लागि ६ वटा स्वागत गेटहरु निर्माण भएका छन् ।
जिल्लाको कमलामाई नगरापलिका ६ स्थित माढीबजार, ढुंग्रेबास, भिामान, मरिण तथा खुर्कोटमा गेट निर्माण भइरहेको छ ।
कृषि, उद्योग, पर्यटन र ब्यवसायमा लगानी अभिबृद्धि गरौं, समृद्ध र समुन्नत सिन्धुली निर्माणको लागि अघि बढौ भन्ने मुल नारा सहित सिन्धुली उद्योग वाणिज्य संघ सिन्धुली र कमलामाई नगरपालिकाको संयुक्त आयोजनामा छैठौं सिन्धुली महोत्सव संचालन भएकाे हाे।
जिल्लामा ब्यवसायीक प्रवर्धन गर्ने, लगानी मैत्री वातावरण सिर्जना गर्ने, जिल्लाको धार्मीक तथा पर्यटन प्रवर्धन गर्ने र आधुनिक दमकल खरिद गर्ने महोत्सवको मुख्य उदेश्य रहेको छ ।
महोत्सवमा स्थानीय उत्पादन तथा बाह्य सामाग्री, ब्यापार मेला धार्मीक तथा ऐतिहासिक स्थलहरु र खेल तथा मनोरञ्जन मुख्य आर्कषण रहने छ ।
त्यस्तै महोत्सव अवधीभर विविध सांस्कृतिक कार्यक्रम, राष्ट्रिय ख्यातीप्राप्त कलाकारहरुको प्रस्तुती, अन्तर बिद्यालय, क्लव, समुह नृत्य प्रतियोगिता लगायतको कार्यक्रमहरु रहेका छन् ।
कृषिमा आधारित बस्तुहरु, हस्तकला, घरेलु उद्यमी सामाग्री तथा दैनिक उपभोग्य वस्तुहरु, अटोमोवाइल्स, बिभिन्न यान्त्रीकीकरण उपकरण, इलेक्ट्रोनिक प्रदर्शनी, जडीबुटी तथा बनपैदावार प्रदर्शनी लगायत ३५० बढि ब्यपारिक स्टलहरु रहेका छन् । महोत्सव पुस १८ गतेसम्म चल्ने छ ।
