ललितपुर ,असोज १, झापाको गौरीगञ्जमा रहेको गौरीगञ्ज माविमा अध्ययन गरेका पूर्व बिद्यार्थीहरुको समाजले युनाइटेड कलेजमा समाजको प्रथम साधारण सभा सम्पन्न गरेको छ ।
पूर्व विद्यार्थीहरुबिच आपसी मेलमिलाप, पुर्नमिलन, सहसम्बन्ध तथा सहकार्य कायम गर्ने गरी सृजनात्मक तथा नेतृत्वदायी क्षमताको विकास गर्दै अन्य विद्यालय सँग आपसी सम्वन्ध कायम गर्दै सामाजिक क्रियाकलापका माध्यमबाट विद्यालय, गाँऊ, समाज तथा समुन्नत राष्ट्र् निर्माणमा सहयोग पुग्ने अपेक्षाका साथ पूर्व विद्यार्थी समाजको स्थापना भएको हो ।
तदर्त समितिका अध्यक्ष डा. कबिताज बान्तवा को अध्यक्षतामा भएको साधारण सभामा विद्यालयका पूर्व शिक्षक तथा कर्मचारीहरु ऋतुराज आचार्य, पूर्व प्रधानाध्यापक मोहनलाल साह पूर्व प्रधानाध्यापक कृपानाथ दत्त लगायत बिद्यालयमा लामो समय सहयोगीका रुपमा सेवा गरेका कर्मचारी जगन्नाथ शर्मा र बिदेशिया यादवलाई पनि सम्मान पत्र र दोसल्ला ओढाएर सम्मान गरिएको थियो ।
कुनै बेलाको झापाकै सबैभन्दा धनि बिद्यालयका रुपमा गरिमा बनाएको गौरीगञ्ज माविपछिल्लो समयमा बिद्यालयको विद्यालयको शैक्षिक गुणस्तर खस्किन पुगेको गुनासो कार्यक्रका वक्ताहरुवाट उठेको थियो ।
पहिलौ साधारणसभाले कविराज वान्तवाको अध्यक्षतामा पूर्व विद्यार्थी समाजमा १३ सदस्यिय नयाँ समिति समेत चयन गरेको छ । उपाध्यक्षमा रमेश कोइराला र महासचिवमा लेखनाथ पौड्याल कोषाध्यक्षमा बेदेन्द्र ढकाललाई चयन गर्नुका साथै सदस्यहरुमा अजय दास, प्रकाश रिमाल, शुसिला खतिवडा पौडेल, शुस्मा दाहाल, न्यौपाने, सोमप्रसाद डोटेल, जमुना उप्रेती र धनञ्जय साहलाई चयन गरेको छ । समितिले दुइ जना सदस्य हरुलाई पछि चयन गर्ने छ ।
