पुस २४, विराटनगर । राप्रपाका अम्बरबहादुर विष्ट कोशी प्रदेशको सभामुखमा निर्विरोध निर्वाचित भएका छन् ।
मंगलबार बसेको प्रदेशसभा बैठकमा उपसभामुख सिर्जना दनुवारले विष्ट सभामुखमा निर्विरोध निर्वाचित भएको घोषणा गरेकी हुन् । विष्टको प्रस्तावकमा सांसद भक्ति सिटौला र समर्थक प्रेमराज थामसुहाङ थिए ।
सत्तारुढ गठबन्धनले राप्रपालाई कोशीको सभामुख दिने निर्णय गरेको थियो । त्यसपछि एमालेले पनि राप्रपाका विष्टलाई सभामुखमा समर्थन गर्ने निर्णय गरेको थियो ।
