काठमाडौं । काठमाडौंको टोखाबाट बरामद भएको २५ करोड रुपैयाँ बराबरको विदेशी मुद्राका मालिकको पहिचन भएको छ ।
उक्त रकमका मालिक सिन्धुपाल्चोकको भोटेकोशी गाउँपालिका वडा नम्बर ४ घर भई काठमाडौंको टोखा नगरपालिका वडा नम्बर बस्ने नारायण पौडेल रहेको राजश्व अनुसन्धान विभागले जनाएको छ ।
विभागले उक्त विदेशी मुद्राका मालिकको पहिचान भएकाले तर मान्छे वारेन्ट जारी भएको जनाएको छ ।
गत चैत ४ गते राति काठमाडौं उपत्यका अपराध अनुसन्धान कार्यालयको टोलीले टोखाको झोरबाट नारायणी प्रदेश–७ ख १६५२ नम्बरको ट्रक र चालक कुशाङ लामासहितलाई नियन्त्रण लिएको थियो।
गाडीभित्र जाँच गर्दा फल्सबटम बनाएर २५ करोड बराबरको विदेशी मुद्रा बरामद भएको थियो।
१३ लाख ७५ हजार १५० युरो र ३ लाख २० हजार ८५० डलर बरामद भएको थियो। कार्यालयले यसको अनुसन्धान गर्न विभागमा पठाएको थियो।
उक्त रकम बोक्ने कुशाङ भरियामात्रै भएको र कसको रकम हो भन्नेबारे चासोको विषय बनेको थियो। अनुसन्धानकै क्रममा विभागले मालिकको पहिचान गरेको हो।
विभागले पौडेलको घर, कारोबारस्थल र गोदामहरूमा पनि तलासी लिएको थियो। चालक कुसाङ लामाले रकम लैजानुअघि फोनमा पौडेलसँग कुराकानी गरेका थिए।
