१० जेठ, विभिन्न व्यक्तिहरुले जबरजस्ती करणी गरेको र सम्बन्धित निकायमा उजुरी गर्दा पनि न्यायनपाएको एवम् जबरजस्ती रुपमा जाहेरी फिर्ता लिन लगाइएको भनी सिराहा नगरपालिका वडा नं. २ की विनु यादव विगत १५ दिन देखि काठमाडौँको माइतीघर मण्डलामा आमरण अनशनमा रहेकी र निजको स्वास्थ्य अवस्था नाजुक बन्दै गएकोमा राष्ट्रिय मानव अधिकार आयोगको ध्यानाकर्षण भएको छ ।
आयोगको टोलीले अनशनस्थल पुगी निजको स्वास्थ्य अवस्था सम्बन्धमा जानकारी लिएको छ ।पहिलेदेखि नै स्वास्थ्यमा विभिन्न समस्या रहेको र अहिले लामो समयदेखि आमरण अनशनमा रहँदा निजको स्वास्थ्य अवस्था थप नाजुक बन्दै गएको अनुगमनको क्रममा पाइएको छ ।
अतः अनशनरत यादवको स्वास्थ्यप्रति संवेदनशील भई निजको मागका सम्बन्धमा सम्बन्धित निकायबाट कानुनी कारवाहीको प्रक्रिया अविलम्ब अगाडि बढाई व्यक्तिको जीवनको अधिकार सुनिश्चित गर्न आयोग सम्बन्धित सबैलाई आग्रह गर्दछ ।
