पुस ९, सिन्धुली । सिन्धुलीको सुनकोसी गाउँपालिकामा भएको दुर्घटना पछि अवरुद्ध सडक सञ्चालनमा आएको छ ।
आज विहान रामेछापबाट काठमाडौं आउदै गरेको बागमती प्रदेश ०१–००६ ख ४५९३ नम्बरको अरनिको यातायात सेवा प्रालिको बसले काठमाडौंबाट खुर्कोट जाँदै गरेको बा.६०प ३५४५ नम्बरको मोटरसाइकललाई ठक्कर दिँदा मोटरसाइकलमा सवार दुइजनाको घटनस्थलमै मृत्यु भएको थियो ।
स्थानीयले बसमा आजगजी गरेकाले अवरुद्ध बनेको बिपी राजमार्ग अपराह्न १ बजेदेखि सञ्चालनमा आएको जिप्रका सिन्धुलीले जनाएकाे छ ।
मोटरसाइकललाई ठक्कर दिने अरनिको यातायात सेवा समितिको बसमा स्थानीयले आगजनी गरेपछि बिपी राजमार्ग अवरुद्ध भएको थियो ।
