महरा कतार प्रस्थान

आईटीटीएफ एडभान्स कम्पिटिसन म्यानेजमेन्ट सेमिनारमा सहभागी हुन टेबलटेनिसका अन्तर्राष्ट्रिय निर्णायक तेजेन्द्रसिंह महरा बिहीबार कतारको दोहो प्रस्थान गरेका छन् । सेमिनार जनवरी ६ देखि ९ तारिखसम्म सञ्चालन हुनेछ ।
अन्तर्राष्ट्रिय टेबलटेनिस महासंघको विकास परियोजनाअन्तर्गत एसियाली टेबलटेनिस संघको सहयोगमा कतार टेबलटेनिस संघले सेमिनार आयोजना गर्न लागेको हो । एसियाली टेबलटेनिस संघमा कम्पिटिसन म्यानेजरका रुपमा कार्यरत महराले विश्व, एसियाली र दक्षिण एसियाली प्रतियोगितामा निर्णायक तथा कम्पिटिसन म्यानेजरको भूमिका निर्वाह गरिसकेको अखिल नेपाल टेबलटेनिस संघका सदस्य धर्ममान वज्राचार्यले जनाएका छन् ।
गत असोजमा चीनको हाङझावमा भएको १९ औं एसियाली खेलकुदमा पनि महरा कम्पिटिसन म्यानेजरका रुपमा कार्यरत थिए ।