वैसाख १३, नेपाल ट्राइयाथलन संघको आयोजनामा भएको २०२५ एशिया कप ट्राइयाथलन कप तथा दक्षिण एशियाली च्याम्पियनसिप अन्तरगत भएको ट्राईयाथलनको पुरुष तर्फ अष्ट्रियाका पिटर लुफतेन्सटेनर र महिला तर्फ कोरियाकी गियोङ्गमिन पार्कले उपाधी जितेका छन्
पोखराको फेवा लेकमा भएको प्रतियोगितामा पिटरले ७५० मिटर पौडी, २० कि.मि. साईक्लिङ्ग र ५ कि.मि. दौड ५३ मिनट ४५ सेकेन्डमा पुरा गर्दै उपाधी जितेका हुन् । पिटरले उपाधीका साथ मेडल, प्रमाण पत्र र नगद ६३० डलर प्राप्त गरे । इजरायलका इतामर लेभाननले ५३ मिनट ५९ सेकेन्ड समयका साथ दोश्रो स्थान प्राप्त गरे । उनले मेडल, प्रमाण पत्रका साथ ५२५ डलर प्राप्त गरे । ५४ मिनट ०२ सेकेन्ड समयका साथ तेश्रो स्थान प्राप्त गरेका जापानका तेपी तोकुयामाले मेडल, प्रमाण पत्रका साथ ४२० डलर प्राप्त गरे । चौथो स्थान प्राप्त गरेका कोरियाका त्येगी किमले ३१५ डलर र पाँचौ स्थानमा रहेका जापानका तुया कोबायासीले नगद २१० डलर प्राप्त गरे ।
पार्कले समान दुरी १ घन्टा ४१ सेकेन्डमा पुरा गर्दै उपाधी उचालेकी हुन् । उनले मेडल, प्रमाण पत्रका साथ नगद ६३० डलर प्राप्त गरिन् । १ घन्टा १ मिनट ५३ सेकेन्ड समयका साथ दोश्रो स्थानमा रहेकी जापानकी काने ताकेनाकाले मेडल प्रमाण पत्रका साथ ५२५ डलर र १ घन्टा २ मिनट ९ सेकेन्ड समयका साथ जापानकी मिनोरी इकेनोले मेडल प्रमाण पत्रका साथ ४२० डलर प्राप्त गरिन् । चौथो स्थानमा जापानकी ईकुमी सेतो र पाँचौ स्थानमा उज्वेकिस्तानकी अलिना खाकी मोभा रहे । उनीहरुले क्रमशः ५१५ र २१० डलर प्राप्त गरे ।
दक्षिण एशियाली च्याम्पियन तर्फ भारतले एकाधिकार जमायो । नेपाल भारत र बंगलादेशको सहभागिता रहेको प्रतियोगितामा पुरुष तर्फ भारतका सरुङ्गबाम अथोबा मेतीले ५८ मिनट १५ सेकेन्ड समयका साथ प्रथम र भारतकै पर्थ मिराजले १ घन्टा ३ मिनट २ सेकेन्ड समयका साथ दोश्रो स्थान हात पारे । यस्तै महिला तर्फ पनि भारलेनै स्थान कब्जा ग¥यो । १ घन्टा ४ मिनट ३३ सेकेन्ड समयका साथ डोल्ली देवीदास पाटिल प्रथम र दोश्रो स्थानमा १ घन्टा ६ मिनट ४२ सेकेन्ड समयका साथ मानसी मोहित रहिन । यसतै जुनियर तर्फ भारतका श्रीदथ सुदिरले १ घन्टा ६ मिनट ५ सेकेन्ड समयका साथ उपाधी जिते । बिजयी खेलाडीहरुले मेडल प्रमाण पत्र प्राप्त गरे ।
बिजयी खेलाडीहरुलाई राष्ट्रिय खेलकुद परिषद्का सदस्य सचिव टंकलाल घिसिङ्ग, नेपाल लोकतान्त्रिक खेलकुद संघका अध्यक्ष देवेन्द्र कुमार शेरचन, संघका अध्यक्ष निलेन्द्र राज श्रेष्ठ लगायतले पुरस्कार वितरण गरेका थिए ।
प्रतियोगितामा नेपाल सहित भारत, बंगालादेश, जापान, कोरिया, इजरायल, अष्ट्रिया, उज्वेकिस्तान, इष्टोनिया र पोटोरिकोको गरि पुरुष तर्फ ३० र महिला तर्फ १६ खेलाडीहरुको सहभागिता रहेको थियो ।
नेपाल ट्राइयाथलन संघले कोभिड महामारीबा बखतमा बाहेक सन् २०१२ देखि दक्षिण एशियाली ट्राईयाथलन च्याम्पियनसिप र सन् २०१९ देखि एशिया ट्राइयाथलन कप निरन्तर आयोजना गर्दै आईरहेको छ । एशिया कप यो सहित पाँचौ संस्करण रहेको छ ।
