११ फागुन, काठमाडौं । शुक्रबार करिव १२ बजेतिर काभ्रे घरभएकी महिला २६ दिनको शिशुसहित स्वास्थ्य परिक्षणका लागि थापाथलीस्थित प्रसूति गृह पुगिन ।
शिशुसहित अस्पताल पुगेकी उनलाई यसअघिको स्वास्थ्य सम्बन्धि रिपोर्ट लिनु थियो । दिउसोको समय भएको हुँदा रिपोर्ट लिने ठाउमा भिडभाड हुनु समान्य नै थियो । त्यसैले छेउमा उभिएका महिलालाई आफ्नो २६ दिनको शिशु साथलगाएर उनि रिपोर्ट लिन गइन ।
रिपोर्ट लिएर आउदा आफुले शिशु समाउन दिएको महिला त्यस ठाउमा थिइनन । उनले ति महिलालाई यताउति खोजिन तर भेटाइनन । शिशु खोज्दाखोज्दै नभेटेपछि थकित भएर उनि प्रहरीसमक्ष खोजिदन आग्रह गरिन ।
जिल्ला प्रहरी परिसर, काठमाडौंले तत्कालै सीसी टीभी फुटेजका आधारमा घटनाको अनुसन्धान थालेको छ । फुटेजमा एक जना महिला बच्चालाई बोकेर गएको देखिएको प्रारम्भिक अनुसन्धानमा देखिएको प्रहरीले जनाएको छ ।
अस्पताल प्रशासनले पीडित महिला ओपीडी जाँचको लागि अस्पताल पुगेकी थिइन् र रिपोर्ट लिनेक्रममा अपरिति महिलालाई शिशु बोक्नदिदा शिशु हराएको जनाएको छ ।
अनुसन्धान अधिकृतहरुले संकलन गरेको क्लोज सर्किट (सीसी) क्यामराको फुटेजमा समेत ती महिला कैद भएकी प्रहरीले जनाएको छ । घटनाको अनुसन्धान जारी रहेको प्रहरीले जनाएको छ ।
